13-yanvar, 2023

Toshkentda 17 ta mashina YTHga uchradi

12 yanvar kuni Toshkent shahrining Yunusobod tumanida 17 ta avtomashina ishtirokida yoʻl-transport hodisasi sodir boʻldi. Holat yuzasidan shahar IIBB YHXB maʼlumot berdi. Maʼlum qilinishicha, hodisa soat 20:40 larda Yunusobod tumanining “Yangi shahar” koʻchasida yuz bergan. Unda 2 ta Nexia–3, 2 ta Nexia–1, 1 ta Mercedes Benz, 1 ta Best tune T 33, 1 ta Damas, 5 ta Matiz, 2 ta Spark, 1 ta Kia K 5, 1 ta Volksvagen va 1 ta Isuzu rusumli avtomashinalar oʻzaro toʻqnashgan. YTH oqibatida 1 nafar haydovchi va yoʻlovchi tan jarohati olgan, hozirda ular shifokorlar nazoratida. Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.