13-yanvar, 2023

Dam olish kunlari anomal sovuq sekin-asta chekina boshlaydi

Bugun Oʻzbekiston hududi Qozogʻistonning sharqiy hududlari ustida joylashgan keng va juda sovuq antisiklonning janubi-gʻarbiy chekkasida (periferiya) joylashgan. Oʻzbekiston boʻyicha yogʻingarchilik kutilmaydi, faqat Toshkent, Sirdaryo, Surxondaryo viloyatlarida va Fargʻona vodiysi viloyatlarida qatlamsimon bulutlardan baʼzi joylarda biroz qor yogʻishi mumkin. Havo harorati kunning ikkinchi yarimda 7-12^o sovuq boʻlishi kutilmoqda. Dam olish kunlari respublikaning barcha hududlari boʻyicha quruq ob-havo saqlanib turadi. Shanba kuni havo harorati kechasi 12-17^o sovuqni, baʼzi joylarda 20^o sovuqgachani, kunduzi 5-10^o sovuqni, baʼzi joylarda 12^o sovuqgachani tashkil etadi. Yakshanba kuni respublikaning shimoli-gʻarbiy hududlariga Kaspiy dengizidan nisbatan iliq havo kirib kelishi boshlanadi, u antisiklonning sovuq periferiyasini ortga sura boshlaydi. Yakshanba kuni havo biroz iliqlashadi, kechasi 12-17^o sovuq, kunduzi 5-10^o sovuq boʻladi. Respublika boʻyicha baʼzi joylarga tuman tushishi kuzatiladi. Buning hisobiga yoʻllarda baʼzi joylarda yaxmalak yuzaga keladi. Oʻzgidromet ehtiyot boʻlishni tavsiya qiladi. 13-16 yanvar kunlari qor koʻchishi xavfi ortishi sababli togʻli hududlarga borish tavsiya etilmaydi.