13-yanvar, 2023

“Afrosiyob”ning “Toshkent – Buxoro – Toshkent” yoʻnalishidagi uchta reysi bekor qilindi

“Toshkent – Buxoro – Toshkent” yoʻnalishidagi “Afrosiyob” poyezdlarining 13, 14, 15 yanvar kungi 3 ta reysi bekor qilindi. Bu haqda “Oʻzbekiston temir yoʻllari” aksiyadorlik jamiyati maʼlum qildi. Mamlakatimiz boʻylab kuzatilayotgan anomal sovuq ob-havo tufayli, yoʻlovchi poyezdlar harakat havfsizligini taʼminlash va yoʻlovchilarni oʻz manzillariga yetkazish davomida noqulayliklar kelib chiqishini oldini olish maqsadida, 766/765-sonli "Toshkent – Buxoro – Toshkent" yoʻnalishidagi “Afrosiyob” yuqori tezlikda harakatlanuvchi elektropoyezdlari qatnovlari 2023 yilning 13,14,15-yanvar kunlari 3 ta reysga bekor qilinadi. Yoʻlovchilar oʻz manzillariga yetib olish maqsadida quyidagi muqobil yoʻlovchi poyezdlardan foydalanishlari mumkin: 12-sonli "Toshkent – Buhoro" "Sharq"; 56-sonli "Toshkent – Buhoro – Xiva"; 58-sonli "Toshkent – Buhoro – Shovot"; 72-sonli "Toshkent – Buhoro – Olot"; 125-sonli "Andijon – Toshkent – Buhoro – Xiva"; Xarid qilingan chiptalarni temir yoʻl chiptahonalarida, elektron tarzda xarid qilingan chiptalarni chipta.railvay.uz saytida qaytarishingiz mumkin. Chipta 100% qiymatda qaytariladi. "Oʻztemiryoʻlyoʻlovchi" AJ rahbariyati yoʻlovchilardan, kelib chiqgan noqulayliklar uchun uzr soʻraydi.