12-yanvar, 2023

Korrupsion holatlar boʻyicha murojaatlar endi vazirning shaxsiy telefon raqami orqali ham qabul qilinadi — Sogʻliqni saqlash vazirligi

Sogʻliqni saqlash vaziri Amrillo Inoyatov tomonidan 2023 yil tizimda “Korrupsiyaga qarshi kurash yili” deb eʼlon qilingani haqida xabar bergandik Bu boradagi vazifalar ijrosi doirasida Sogʻliqni saqlash vaziri A. Inoyatovning (+998-91) 403-17-73 shaxsiy telefon raqami orqali sohadagi korrupsiyaviy holatlar yuzasidan aniq fakt va dalillarga asoslangan murojaatlar qabul qilish boshlandi. Bundan tashqari, fuqarolar oʻz murojaatlarini quyidagi platformalar orqali ham yoʻllashi mumkin: — vazirlik qoshida kunu tun faoliyat olib boruvchi "1003" qisqa raqamli “Sall-markaz”; — Qoraqalpogʻiston Respublikasi Sogʻliqni saqlash vazirligi, viloyatlar va Toshkent shahar sogʻliqni saqlash boshqarmalari qoshida muntazam faoliyat yurituvchi "1103" qisqa raqamli “Sall-markaz”lar; — vazirlikning yangi ishga tushirilgan rasmiy telegram-boti; — barcha tuman tibbiyot muassasalarining fuqarolar gavjum boʻladigan joylariga oʻrnatilgan va tibbiyot maskani rahbari bilan bogʻlanish imkonini beruvchi “toʻgʻridan-toʻgʻri aloqa” liniyalari; — vazirlik rasmiy veb-saytida aholidan kelib tushayotgan savollarga tezkor javob berishga moʻljallangan “Jivo” ilovasi.