12-yanvar, 2023

Kechadan oʻqish boshlangan maktablarda issiqlik talabga javob beradimi?

Mahalliy hokimliklar chiqargan qarorga koʻra, kecha, yaʼni 11 yanvardan koʻpgina maktablarda oʻqish jarayoni boshlandi. Tashqaridagi havo harorati esa soʻnggi yillardagi ayni shu mavsum koʻrsatkichidan ancha yuqori. Yaʼni “Oʻzgidromet”ning taqdim etgan maʼlumotiga koʻra, 12-15 yanvarda respublika boʻyicha anomal sovuq ob-havo boʻlishi kutilmoqda. Xoʻsh, bunday sovuq haroratda 11 yanvardan oʻqish jarayonlari boshlangan maktablarda issiqlik talablari qanday boʻlishi kerak? Sanitariya-epidemiologiya xizmati ana shu talablarni eslatib oʻtdi:

Taʼlim muassasalarining oʻquv xonalarida havo harorati 16º S dan past boʻlmasligi kerak
Taʼlim muassasalarining oʻquv xonalarida mashgʻulotlar oʻtkazishda mehnatni muhofaza qilish talablariga muvofiq oʻquv xonalarida havo harorati yengil jismoniy ishda 21º S, oʻrtacha ogʻir ishda 17º S va ogʻir ishda 16º S dan past boʻlmasligi kerak.
Fizika oʻquv laboratoriya xonasida muntazam ravishda harorat 18º S – 21º S, havoning namligi 40 – 60 foiz boʻlishi kerak.
Taʼlim muassasasi hududidagi hojatxonalar issiq suv va kanalizatsiya tizimiga ulangan boʻlishi lozim.
Taʼlim muassasasida kanalizatsiya tizimi yoʻq boʻlganda davlat sanitariya nazorati organlari bilan kelishilgan holda taʼlim muassasasida yer qatlamini ifloslantirmagan holda dushxonalardan va yuz-qoʻl yuvgichlardan suv oqmaydigan qurilmali axlat oʻralarining mavjud boʻlishiga ruxsat etiladi.
Informatika oʻquv xonasini yertoʻlalarda joylashtirish taqiqlanadi.
Oʻquv ustaxonalaridagi ish oʻrni har qanday baxtsiz hodisaning oldini olishga qaratilgan holda tashkil qilingan boʻlishi kerak. Xoʻsh, kechadan dars oʻtilayotgan maktablardagi issiqlik shu talablarga javob beradimi?