10-yanvar, 2023

Surxondaryoda shifokorni ayovsiz kaltaklagan fuqarolarga nisbatan jinoyat ishi qoʻzgʻatildi

Aniqlanishicha, Boysun tuman tibbiyot birlashmasi qabul boʻlimida shu yil 9 yanvar sanasida navbatchilik qilayotgan shifokor F.J. va fuqaro Sh.X. oʻrtasida shaxsiy masala yuzasidan tortishuv kelib chiqqan. Oqibatda kelishmovchilik janjalga aylanib, shifokor olgan tan jarohati tufayli hushini yoʻqotgan. Soʻng jabrlanuvchi tuman tibbiyot birlashmasining shoshilinch tibbiy yordam boʻlimiga "Burun suyagining yopiq sinishi. Oʻng koʻz olmasi kontuziyasi. Oʻng yuqori jagʻ jarohati" tashxisi bilan yotqizilgan. Hozir bemorning ahvoli oʻrta ogʻir. Davo muolajalari belgilangan standartlar asosida olib borilmoqda. Mazkur holat yuzasidan bugun Boysun tuman Ichki ishlar boʻlimi tomonidan Oʻzbekiston Respublikasi Jinoyat kodeksining tegishli moddalari bilan jinoyat ishi qoʻzgʻatilib, tergov harakatlari olib borilmoqda.