10-yanvar, 2023

Jizzaxda elektromobil ishlab chiqarish yoʻlga qoʻyiladi

Prezident Shavkat Mirziyoyev raisligida videoselektor yigʻilishi boʻlib oʻtmoqda. Bu haqda Prezident matbuot kotibi Sherzod Asadov xabar berdi. Yigʻilishda bir oy muddatda 2023 yilda sanoatni 14 foizga oshirish boʻyicha sanoat va investitsiya dasturlarini qayta koʻrib chiqish vazifasi qoʻyildi. Bunda: — Samarqandda mineral oʻgʻit, Navoiyda quruq sianid tuzi va texnik gaz ishlab chiqarish loyihalarini tezlashtirish; — 1 iyunga qadar Pistali konida 6-gidrometallurgiya zavodini ishga tushirish; — avgust oyida «Yoshlik-1» mis koni negizida 3-misni boyitish fabrikasi loyihasini yakunlashni taʼminlash topshirildi. Avtomobilsozlik tarmogʻida oʻsishni taʼminlash uchun 1 sentabrga qadar: — xususiy investorlarni jalb qilib, Jizzaxda elektromobil ishlab chiqarishni yoʻlga qoʻyish; — Andijonda zamonaviy quyuv sexini, Chirchiqda qishloq xoʻjaligi mashinasozlik klasterini toʻliq quvvatga chiqarish topshirildi.