09-yanvar, 2023

Koronavirusning yangi varianti aniqlandi

Janubiy Afrika virusologi Tulio de Oliveyra XBB.1.5 omikron shtammining yangi subvarianti topilganini maʼlum qildi. Bu haqda «Interfaks» xabar berdi. Xabarda aytilishicha, virusning yangi nomi «Kraken» deb nomlanadi. Olimlar ushbu mutatsiyaning xavflilik va yuqumlilik darajasini oʻrganmoqda. Maʼlumot uchun, Tulio de Oliveyra oʻz jamoasi bilan 2020 yilda «Beta» va 2021 yilda «omikron» shtammini aniqlab, jahon miqyosida shuhrat qozongandi. «Men Janubiy Afrikada kasalxonaga yotqizilgan infeksiyalarning katta toʻlqinini kutmayman: bizda »omikron« ning oldingi toʻlqinlaridan aholi immunitetining kuchli darajasi bor», - deb yozadi virusolog. Janubiy Afrikada Omicron shtammi bilan kasallanishning birinchi holati 2021 yilda aniqlangan.