09-yanvar, 2023

Istanbulda terakt uyushtirishni rejalashtirgan ikki kishi qoʻlga olindi

Turkiya politsiyasi yangi yil arafasida Istanbulda terakt uyushtirishni rejalashtirgan IShID terrorchilik guruhi aʼzosi boʻlgan ikki kishini qoʻlga oldi. Bu haqda Sabah nashriga tayanib, «RIA Novosti» xabar berdi.

«Ikki gumonlanuvchi – Oʻzbekiston va Tojikiston fuqarolari boʻlib, ular 31 dekabr kuni Yangi yil bayramidan bir necha soat oldin Istanbulning Basakshehir tumanida ularni kuzatib kelayotgan politsiyadan qochishga uringan. Biroq politsiya ularga qarata mashina gʻildiraklari orasidan oʻq uzishga muvaffaq boʻlgan», — deyiladi xabarda.

Qoʻlga olinganlardan biri, portlovchi moddalar boʻyicha ekspert hibsga olindi, Oʻzbekiston fuqarosiga nisbatan deportatsiya jarayoni boshlandi.