09-yanvar, 2023

Fuqarolardan pensiya tayinlash borasida kelib tushgan savollarga javoblar berildi

2023 yil 1 yanvardan boshlab pensiyani hisoblashda inobatga olinadigan ish haqining yuqori chegarasi 3 888 000 soʻm etib belgilandi. Bu haqda AOKAda oʻtkazilgan brifingda Byudjetdan tashqari pensiya jamgʻarmasi boshqarma boshligʻi Farrux Pardayev maʼlum qildi: 2023 yil 1 yanvardan boshlab pensiyani hisob-kitob qilish uchun ish haqining maksimal miqdori, yaʼni yuqori chegarasi pensiyani hisoblash bazaviy miqdorining oʻn barobaridan oʻn ikki barobarigacha oshirildi. 2022 yil dekabr oyida oʻrtacha oylik ish haqi miqdori pensiya hisoblash bazaviy miqdorining 10 baravaridan yaʼni 3 240 000 soʻmdan yuqori boʻlgan 371 ming nafar pensiya oluvchilaring pensiya miqdorlari qayta hisob-kitob qilindi va pensiyasi oshadigan fuqarolarga 2022 yilning dekabr oyida SMS xabar joʻnatildi.