09-yanvar, 2023

Bolalar orasida koronavirus avj olayotgani haqidagi xabarlar asossiz ekanligi aytildi

Ijtimoiy tarmoqlarda «yosh bolalar orasida koronavirus infeksiyasi koʻpayib boryapti» mazmunidagi xabarlar tarqaldi. Sogʻliqni saqlash vazirligi bu maʼlumotlarning haqiqatga zid ekanligini aytmoqda. Vazirlikning maʼlum qilishicha, bolalar orasida oʻtkir respirator kasalliklar va koronavirusga chalinishning soʻnggi koʻtarilishi oʻtgan yil kuz oylariga toʻgʻri kelgan. Oʻsha paytda Zangiota yuqumli kasalliklar shifoxonasida bemorlar uchun 500 ta qoʻshimcha shifo oʻrni yaratilgan. Shuningdek, hozir holat barqaror boʻlib, xastalanish koʻrsatkichlari keskin kamaygan. Maʼlumot uchun, agar bolalar orasida koronavirus yoki boshqa oʻtkir respirator kasalliklar ortishi kuzatilsa, bu boʻyicha rasmiy axborot beriladi.