08-yanvar, 2023

Sirdaryoda sobiq iqtisodchi katta pora bilan qoʻlga olindi

Sirdaryoda sobiq iqtisodchi va uning sheriklari 4 nafar fuqaroning pullarini oʻzlashtirgani maʼlum qilindi. Maʼlum qilinishicha, Bosh prokuratura huzurida Departamentning Boyovut tuman boʻlimi tomonidan oʻtkazilgan tergovga qadar tekshiruvda, tuman xalq taʼlimi boʻlimi sobiq iqtisodchisi G.A. va boshqalar 2020-2021 yillarda bosh hisobchi lavozimida ishlagan B.M., M.N.ga nisbatan qoʻzgʻatilgan jinoyat ishi boʻyicha yetkazilgan moddiy zararni qoplab berish evaziga 4 nafar fuqaroning jami 65 000 AQSh dollari va 240 mln soʻmini firibgarlik yoʻli bilan qoʻlga kiritganliklari aniqlangan. Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qoʻzgʻatilib, tergov harakatlari oʻtkazilmoqda.