07-yanvar, 2023

Surxandaryoda YTH oqibatida haydovchi halok boʻlgan

Surxondaryoning Sariosiyo tumanida Nexia, Spark va Gentra ishtirokida yoʻl-transport hodisasi sodir boʻldi. Bu haqda viloyat YHXB axborot xizmati xabar bermoqda. Maʼlum qilinishicha, 2023 yilning 2 yanvar kuni soat 23:20 larda Sariosiyo tumani «Shabnam» mahallasi hududidan oʻtgan 4H-1583 avtomobil yoʻlining 1-kmsida Nexia, shu yoʻnalishda harakat qilib kelayotgan Spark avtomobiliga borib urilgan. Zarb oqibatida Spark qarama-qarshi yoʻnalishga oʻtib ketib, Gentra bilan toʻqnashgan. Nexia esa boshqaruvni yoʻqotib, yoʻl chetidagi ariqqa tushib, agʻdarilgan. Oqibatda Nexia haydovchisi olgan jarohati sabab shifoxonada vafot etdi. Voqea sababi oʻrganilganda haydovchi tezlikni meʼyoridan oshirib harakatlangani, oraliq masofani saqlamagani va yoʻlning tegishli qismi sunʼiy yoritilmagani aniqlangan.