07-yanvar, 2023

FIFA ilk bor saudiyalik ayolni xalqaro hakam etib tayinladi

Xalqaro futbol federatsiyasi (FIFA) birinchi marta Saudiya Arabistonidan boʻlgan ayolni xalqaro hakam etib tayinlashga qaror qildi. Bu haqda "Arabian Daily" xabar bermoqda. Bu maqom Anud Al-Asmariyga berildi. U oʻzidan tashqari Saudiya Arabistonidan yana yetti nafar erkak hakamni oʻz ichiga olgan xalqaro toifadagi hakamlardan biriga aylanganidan xursand ekanligini tan oldi. Al-Asmariy erkaklar terma jamoasi oʻyinida ishlashga tayyormi, degan savolga ham javob berdi. U bunday tayinlov Saudiya futbol assotsiatsiyasi tomonidan tasdiqlanmaguncha bu haqda oʻylashni istamasligini aytdi. 34 yoshli Al-Asmariy hakamlik faoliyatini 2018 yilda boshlagan. U bungacha 2019 yilda tashkil etilgan Saudiya Arabistoni ayollar terma jamoasida bir qancha uchrashuvlarni boshqargan. Eslatib oʻtamiz, Qatarda boʻlib oʻtdigan jahon chempionatining guruh bosqichi 3-turidan oʻrin olgan Germaniya va Kosta-Rika terma jamoalari oʻrtasidagi uchrashuvda (4:2) fransiyalik Stefani Frappart boshchiligidagi ayollar hakamlar brigadasi boshqargan edi.