06-yanvar, 2023

Qor koʻchkisi xavfi mavjud hududlardan aholi vaqtincha koʻchirilishi mumkin

Qor koʻchkisi xavfi mavjud hududlardan aholi vaqtincha koʻchirilishi mumkin. Bu haqda «Huquqiy axborot» xabar bermoqda. Aholini va hududlarni xavfli gidrometeorologik hodisalar hamda geologik jarayonlar bilan bogʻliq favqulodda vaziyatlardan muhofaza qilish ishlari samaradorligini oshirish maqsadida: Toshqin suvlari va sel oqimlarini xavf-xatarsiz oʻtkazib yuborishni taʼminlash, qor koʻchishi va yer koʻchkisi hodisalari xavfini kamaytirish boʻyicha hukumat komissiyasi tasdiqlangan. Hukumat komissiyasining asosiy vazifalaridan biri sel, suv toshqini, qor koʻchkisi va yer koʻchkisi xavfi mavjud boʻlgan hududlarda joylashgan aholini vaqtincha koʻchirish va keyinchalik (zarur hollarda) bosqichma-bosqich xavfsiz joylarga doimiy yashash uchun koʻchirish boʻyicha kompleks chora-tadbirlarni ishlab chiqish va amalga oshirish hisoblanadi.