04-yanvar, 2023

Ukrainaga yetkazilgan zarar 700 milliard dollardan oshdi — Forbes

Rossiyaning Ukrainaga harbiy tajovuzi natijasida Ukrainaga yetkazilgan iqtisodiy zarar 700 milliard dollardan oshadi. Bu haqda mamlakat bosh vaziri Denis Shmыgal maʼlum qildi.

«Jahon banki bilan birgalikda biz Ukrainaning tez tiklanishiga boʻlgan ehtiyojini yana bir tekshirishni rejalashtirmoqdamiz. Eslatib oʻtaman, bizda iyun oyining boshida shunday fiksatsiya bor. Oʻshanda bu koʻrsatkich 350 milliard dollarni tashkil etgan. Infratuzilmamizga qilingan soʻnggi hujumlarni hisobga olsak, bugungi kunda bu miqdor 700 milliard dollardan oshadi», – deydi Shmыgal.

Bosh vazir Ukrainaning 2023 yilgi davlat byudjetida Qurolli tajovuz oqibatlarini bartaraf etish jamgʻarmasiga 35,5 mlrd grvn kiritilganini taʼkidladi. Mablagʻlar jamoat binolari, muhim infratuzilma obʼektlarini qurish va taʼmirlash, koʻchmanchilarni uy-joy bilan taʼminlashga yoʻnaltiriladi.

«Bundan tashqari, yaqin kelajakda biz Rossiya banklaridan musodara qilingan mablagʻlar hisobiga tiklanishni boshlashni kutmoqdamiz – buning uchun maxsus hisobda allaqachon 17 mlrd grvn bor. Birinchi oʻrinda odamlarning vayron boʻlgan uy-joylari turibdi», – dedi bosh vazir.