04-yanvar, 2023

Shuhrat Gʻaniyev prezident maslahatchisiga oʻrinbosar boʻldi

Shuhrat Gʻaniyev prezidentning iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari boʻyicha maslahatchisi oʻrinbosari lavozimiga tayinlandi. Yaʼni, Shuhrat Gʻaniyev prezident maslahatchisi Ravshan Gʻulomovga oʻrinbosar boʻldi. Maʼlumot uchun, Shuhrat Gʻaniyev 2011 yildan 2020 yilgacha Fargʻona viloyati hokimi lavozimida ishlagan. 2020 yil 25 sentabrdan marhum Oʻktam Barnoyev oʻrniga agrar va oziq-ovqat sohalarini rivojlantirish masalalari boʻyicha bosh vazir oʻrinbosari lavozimiga oʻtkazilgandi. Hukumatdagi oʻzgarishlar vaqtida Shuhrat Gʻaniyev bosh vazir oʻrinbosari lavozimidan ketdi.