04-yanvar, 2023

«Qamchiq» dovoni ochildi

«Qamchiq» dovonida qor koʻchkisi xavfi yuzaga kelganligi sababli 4 yanvar kuni soat 00:00 dan avtomobillar harakati uchun vaqtincha yopilgan edi. Bu haqda FVV xabar berdi. Favqulodda vaziyatlar vazirligi rahbarligida tegishli xizmatlar bilan hamkorlikda fuqarolarni qabul qilish – evakuatsiya shtabi tuzilib, «Oʻzbekiston temir yoʻllari» AJ hamkorligida yoʻlda qolib ketgan yoʻlovchilarga maxsus reys orqali poyezd qatnovi yoʻlga qoʻyildi va isinish maskanlari tashkil etildi. Shuningdek, FVV, YPX va «Qamchiqavtoyoʻl» IYFUK xodimlari bilan birgalikda yoʻlni qordan tozalash, muzlamalar hosil boʻlishining oldini olish va qum-tuz aralashmasini sepish ishlari toʻxtovsiz olib borildi. Amalga oshirilgan zaruriy tadbirlar natijasida bugun, 4 yanvar kuni soat 10:00 da «Qamchiq» dovoni avtomobillar harakati uchun qayta ochildi.