04-yanvar, 2023

Pike futbolchilik faoliyatini tiklashi mumkin

«Barselona» sobiq futbolchisi Xerard Pike faoliyatini qayta tiklashi mumkin. Bu haqda Relevo xabar berdi. Pike noyabr oyida futbolchilik faoliyatini yakunlagandi. Endi 35 yoshli ispaniyalik futbolchi oʻziga tegishli boʻlgan «Andorra» klubida oʻynashni rejalashtirmoqda. Biroq Xerard futbolchilik faoliyati tiklashiga bir qancha toʻsiqlar mavjud. Birinchidan, Pikening maoshi. Garchi futbolchilik faoliyatini yakunlagan boʻlsa-da, u hamon «Barselona» tarkibida roʻyxatda turibdi. Uning maoshi esa 20 million yevroni tashkil etadi. Ikkinchidan esa Ispaniyaning ikkinchi divizionida ishtirok etuvchi «Andorra» Pikega eng kam ushbu narxni toʻlay olmaydi. Buning iloji bor, biroq La Liga maxsus komissiyasi ushbu masalani hal qiladi.