02-yanvar, 2023

Samarqandda ikkita uy yonib ketdi

Samarqand shahrida 1 yanvar kuni ikkita xonadon yonib ketdi. Bu haqda viloyat FVB matbuot xizmati xabar berdi. Maʼlum qilinishicha, 1 yanvar kuni soat 17:34 da Samarqand shahri ʼBekʼʼ MFY, Bobur koʻchasidagi xonadonlarda yongʻin sodir boʻlayotganligi toʻgʻrisida viloyat FVBga xabar kelib tushgan. Voqea joyiga 6 ta yongʻin-qutqaruv ekipajilar jalb etilgan. Yongʻinga soat 17:44 da yetib borgan va soat 18:55 da yongʻin toʻliq bartaraf etilgan. Yongʻin natijasida 2 ta xonadonning taxminan 200 m.kv maydonda shift va tom qismi hamda uy jihozlari yonib, zararlangan. Yongʻindan xonadonlarning taxminan 80 kv.m maydoni saqlab qolindi. Hodisa oqibatida halok boʻlgan va jabrlanganlar yoʻq. Hozirda tergovga qadar tekshirish ishlari olib borilmoqda.