02-yanvar, 2023

Air Astana aviakompaniyasining Toshkent-Olmaota reysi yoʻlovchilari jabrlandi

Air Astana avikompaniyasining Toshkent-Olmaota reysi samolyoti turbulentlik hududiga tushib qolishi natijasida yoʻlovchilar jabrlandi. Bu haqda kompaniya matbuot xizmati xabar berdi. «Bugun aviakompaniya Toshkent-Olmaota yoʻnalishi boʻyicha KC 128 reysini amalga oshirdi. Samolyot mahalliy vaqt bilan 14:35 da havoga koʻtarilgan. Parvoz vaqtida samolyot toʻsatdan kuchli turbulentlik hududiga tushib qoldi. Dastlabki maʼlumotlarga koʻra, yetti nafar yoʻlovchi turli tan jarohatlari olgan», — deyiladi xabarda. Qayd etilishicha, samolyot 16.45 da Olmaotaga qoʻndi. Parvoz ekipaji yoʻlovchilarga birinchi tibbiy yordam koʻrsatgan. Uchuvchilar voqea haqida aeroport xizmatlarini xabardor qilgan. Tez yordam mashinalari yordam koʻrsatish uchun aeroportda yoʻlovchilarni kutmoqda. Aviakompaniya sodir boʻlgan voqeadan afsusda va reys yoʻlovchilariga har tomonlama yordam beradi. Voqea vakolatli organlar tomonidan tekshiriladi.