01-yanvar, 2023

Oʻzbekistonda eng qimmat va eng arzon osh qayerda sotiladi?

Davlat statistika qoʻmitasi hududlardagi osh markazlarida sotilayotgan palovning 2022 yil dekabr oyidagi oʻrtacha narxlarini maʼlum qildi. Unga koʻra, eng qimmat palov Toshkent shahrida bir porsiyasi 26 250 soʻmdan sotilgan. Eng arzon osh esa Namangan viloyatida — bir porsiyasi 15 286 soʻmdan sotilgan. Hududlardagi osh markazida sotilayotgan 1 porsiya palovning oʻrtacha narxi quyidagicha boʻlgan:

Qoraqalpogʻiston Respublikasida – 18 300 soʻm;
Andijon viloyatida – 20 800 soʻm;
Buxoro viloyatida – 21 300 soʻm;
Jizzax viloyatida – 22 300 soʻm;
Qashqadaryo viloyatida – 20 300 soʻm;
Navoiy viloyatida – 19 500 soʻm;
Namangan viloyatida – 15 300 soʻm;
Samarqand viloyatida – 24 700 soʻm;
Surxondaryo viloyatida – 20 000 soʻm;
Sirdaryo viloyatida – 21 000 soʻm;
Toshkent viloyatida – 21 500 soʻm;
Fargʻona viloyatida – 18 300 soʻm;
Xorazm viloyatida – 21 400 soʻm;
Toshkent shahrida – 26 300 soʻm.