29-dekabr, 2022

Prezident "rayono" va "oblono"ni eski tizim sarqiti deb atadi

Prezident Shavkat Mirziyoyev tuman va viloyat xalq taʼlimi boʻlimlarini tanqid qildi. Bu haqda OʻzA xabar bermoqda. "Biz hammani matematik qilishni istaymiz, ammo buning iloji yoʻq. Nari borsa 10 foiz bola matematik boʻlishni istar. Biz bolaning istagidan kelib chiqib, uning talabiga koʻra taʼlim berishni oʻrganishimiz kerak. Bola oʻziga nima qiziq ekanini yaxshi biladi, unga hamma fanni birdek oʻrgatishni toʻxtatib, qiziqish sohasiga urgʻu qaratish lozim. "Rayono" va "oblono" siz uchun prokuror. Bu ikki tashkilotni yoʻq qilishni istayapman, maktablarning oʻzi «rayono» va «oblono» boʻlishlaring kerak. Oʻrtadagi boshqa pogʻonalar nimaga kerak? Ular boʻlgani uchun oʻqituvchi qadam qoʻya olmaydi. Buni sindiradigan vaqt keldi. Tartib kerak albatta, ammo buning uchun vazirlik bor. Bizda hamon eski tizim saqlanib qolmoqda. Maktab aslida "gorono"ga xoʻjayinlik qilishi kerak. Biz eski tizimga moyillik qilamiz, "Rayono" nima desa shuni qilamiz. Zamon oʻzgarmoqda, kechirasizu, qishloq xoʻjaligida paxtaga tizim oʻzgartirdik. Endi paxta ham, tizim ham ishlamoqda. Qachon qishloq xoʻjaligida ikki millard dollarlik eksport boʻlar edi? Endi mana tekstil ishlamoqda, boshqa ishlab chiqarish bor», — dedi Prezident.

prezident

Prezident "rayono" va "oblono"ni eski tizim sarqiti deb atadi

Tavsiya etamiz

Mahallalarning “yashil reytingi” joriy etiladi

Tranzit yoʻnalishdagi temir yoʻl uchastkalariga 200 mln dollar yoʻnaltiriladi

Prezident kelasi yil Qoraqalpogʻistonga 5 milliard dollar investitsiya jalb qilish vazifasini qoʻydi

Prezident rekonstruksiya qilingan “Turon” stadioni bilan tanishdi