29-dekabr, 2022

Oʻzbekiston JSTga qoʻshilish uchun muzokaralar olib borishga tayyorlanmoqda

Bosh vazir oʻrinbosari — investitsiyalar va tashqi savdo vaziri Jamshid Xoʻjayev raisligida Jahon savdo tashkilotiga aʼzo boʻlishning hozirgi holati, bu boʻyicha Ishchi guruhning 6-yigʻilishini tashkil etish masalalari muhokama qilindi. Bu haqda OʻzA xabar bermoqda. Maʼlum qilinishicha, hozirga qadar JSTga aʼzo davlatlar rejalashtirilgan muzokaralarni tashkil etish uchun barcha zarur hujjatlarni olgan. JSTga aʼzo davlatlar va Tashkilot Kotibiyati bilan avval erishilgan kelishuvlarni oʻz vaqtida amalga oshirish yuzasidan ikki tomonlama muzokaralar va maslahatlashuvlar oʻtkazilmoqda. Tegishli vazirlik va idoralar rahbarlariga barcha zarur hujjatlarni tayyorlash va JSTga aʼzo davlatlar bilan aniq muddatlarda ikki tomonlama muzokaralarni yakunlash boʻyicha individual rejalar ishlab chiqish topshirildi.