Andijonlik ikki qizni Turkiyaga fohishalikka joʻnatayotgan ayol Toshkent aeroportida qoʻlga olindi

2022 yil 16 dekabr kuni Andijon viloyatida Oʻzbekiston Respublikasi IIV Odam savdosiga qarshi kurashish boʻlimi xodimlari tomonidan tezkor tadbir oʻtkazildi. Bu haqda viloyat IIB Axborot xizmati xabar berdi. Maʼlum qilinishicha, Shahrixon tumanida yashovchi ayol X.G Andijon tumanida yashovchi E.N va Andijon shahrida istiqomat qiluvchi M.M.larni Turkiya davlatiga fohishalik bilan shugʻullanish uchun yuborish evaziga Turkiyada yashovchi “Oygul” ismli tanishidan 700 AQSh dollari olishga kelishib oladi. Kelishilgan 700 AQSh dollari hisobidan 150 AQSh dollarini olib, E.N va M.M.larni Toshkent xalqaro aeroporti orqali Turkiya davlatiga joʻnatib yuborayotgan vaqtida Tezkor tadbir ishtirokchilari tomonidan qoʻlga olindi. Mazkur holat yuzasidan Andijon viloyati IIB huzuridagi Tergov boshqarmasi tomonidan Oʻzbekiston Respublikasi Jinoyat Kodeksining 135-moddasi (Odam savdosi) 2-qismi bilan jinoyat ishi qoʻzgʻatilib, tergov harakatlari olib borilmoqda