25-dekabr, 2022

Ilon Mask Twitter bosh direktori lavozimini tark etadi

Amerikalik milliarder Ilon Mask Twitter rahbariyatini tark etish shartini maʼlum qildi. Bu haqda Forbes xabar berdi. Qayd etilishicha, Mask kompaniya bosh direktorligi uchun asosiy nomzod topilganidan keyin isteʼfoga chiqishini maʼlum qildi.

«Bu ishni bajarish uchun ahmoq odamni topsam, men bosh direktor lavozimini tark etaman! Shundan soʻng, men shunchaki dasturiy taʼminot va server jamoalarini boshqaraman», — dedi Mask.

18 dekabr kuni Twitter egasi ijtimoiy tarmoq foydalanuvchilaridan kompaniya rahbari lavozimidan ketishi kerakmi yoki yoʻqmi, ovoz berishni soʻragan edi. Unda koʻpchilik uning ketishini yoqlab chiqqandi.