24-dekabr, 2022

Toshkentda YTH sabab voyaga yetmagan yoʻlovchi vafot etdi

Toshkentda ikkita avtomobil ishtirokida YTH natijasida 11 yoshli qiz vafot etgan. Bu haqda Toshkent shahar IIBB xabar berdi. Maʼlum boʻlishicha, 18 dekabr kuni taxminan soat 17.30 larda Choʻponota koʻchasida 1983 yilda tugʻilgan U.T. boshqaruvidagi davlat raqami 01 T 711 PB boʻlgan "Lacetti" rusumli avtomashina yoʻl chetidan orqaga harakatlanayotgan 1960 yilda tugʻilgan M.A. boshqaruvidagi davlat raqami 01 N 300 KB boʻlgan "Cobalt" rusumli avtomashina bilan toʻqnashgan. YTH oqibatida "Lacetti" rusumli avtomashina haydovchisi U.T., "Cobalt" rusumli avtomashina haydovchisi M.A. va yoʻlovchisi 2011 yilda tugʻilgan M.M. olgan tan jarohatlari natijasida tibbiy muassasaga olib borilgan. Biroq tibbiyot xodimlarining saʼy-harakatlariga qaramasdan 2011 yilda tugʻilgan M.M. vafot etgan. Mazkur holat yuzasidan Toshkent shahar IIBB Tergov boshqarmasi tomonidan Oʻzbekiston Respublikasi Jinoyat kodeksining 266-moddasi 2-qismi bilan jinoyat ishi qoʻzgʻatilgan. Tergov davom etmoqda.