24-dekabr, 2022

Oʻzbekistonda gazdan noqonuniy foydalanayotgan isteʼmolchilar aniqlandi

Oʻzbekistonda 21-22 dekabr kunlari 3 holatda isteʼmolchilarning tabiiy gazdan noqonuniy foydalanishiga chek qoʻyildi. Bu haqda Energetika vazirligi xabar berdi. Qayd etilishicha, 21-22 dekabr kunlari Ishchi guruhlar tomonidan oʻtkazilgan nazorat tadbirlari davomida hududlarda 3 ta holatda avtomobillarga gaz toʻldirish kompressor shoxobchalarida (AGTKSh) 7,3 mlrd soʻmlik boʻlgan 7,3 mln kub metr hajmdagi tabiiy gazdan noqonuniy foydalanish holatlari aniqlandi. Jumladan:

Qashqadaryo viloyati, Gʻuzor tumanida joylashgan «GAZXIZMATTAʼMINOT» korxonasi tomonidan gaz hisoblash uskunasning oʻlchov tarmogʻiga tashqi taʼsir koʻrsatgan holda 2,9 mlrd soʻmlik;
Gʻuzor tumanida joylashgan «TAZIB» MChJ tomonidan gaz hisoblash uskunasiga va oʻrnatilgan muhrlarga tashqi taʼsir koʻrsatilgan holda 3,5 mlrd soʻmlik;
Toshkent shahar, Yangihayot tumanida joylashgan «ENERGO MAShTRANS IMPEX» MChJ tomonidan oʻzboshimchalik bilan gaz tarmogʻi kirish zulfiniga oʻrnatilgan bir marotabalik tamgʻani buzgan holda 921 mln soʻmlik tabiiy gaz noqonuniy foydalanilganligi maʼlum boʻldi.