24-dekabr, 2022

AQShda qor boʻronlari tufayli 5 mingdan ortiq aviareyslar bekor qilindi

AQShda kuzatilayotgan qor boʻronlari oqibatida kamida 9 kishi halok boʻldi. Bu haqda CNN xabar berdi. Qayd etilishicha, qor boʻronlari Ogayo, Missuri, Kentukki va Kanzas shtatlarida kuzatilgan. Natijada noqulay ob-havo tufayli YTH koʻpaygan va halok boʻlganlar soni ortgan. Shuningdek, shtatlarda havo harorati rekord darajada pasaygan, jumladan, Vayomingda 41 daraja sovuq qayd etilgan. Natijada Jorjiya, Kentukki, Nyu-York, Oklaxoma, Shimoliy Karolina va Janubiy Dakotada favqulodda holat eʼlon qilingan. Juma kuni qor boʻronlari tufayli 5.4 ming aviareys bekor qilingan. Shuningdek, butun mamlakat boʻylab 590 ming kishi elektrsiz qolgan.