22-dekabr, 2022

«Real Madrid» Mbappe transferi uchun qancha sarflamoqchi?

Madridning «Real» klubi PSJ hujumchisi Kilian Mbappe sotib olishga jiddiy kirishadi. Bu haqda La Gazzetta dello Sport xabar berdi. Qayd etilishicha, madridliklar Mbappe transferiga jami 1 milliard yevro sarflashga tayyor. Ushbu mablagʻdan futbolchining yuqori maoshi, transfer narxi va turli bonuslar ham oʻrin olgan. Fransiyalik futbolchi PSJda uch yilda 636 million yevro maosh oladi. «Real» prezidenti Florentino Peres esa uning talabini bajarishga rozi. Maʼlumot uchun, Mbappe Fransiya chempionatining joriy mavsumida 14 ta oʻyinda 12 ta gol urdi va 2 ta golli uzatmani amalga oshirdi.