21-dekabr, 2022

Xitoy – Qirgʻiston – Oʻzbekiston – Afgʻoniston multimodal yoʻnalishida tranzit tashuvlari rivojlanmoqda

Joriy yilda tashkil etilgan Xitoy – Qirgʻiston – Oʻzbekiston – Afgʻoniston multimodal yoʻnalishida konteyner tashuvlari hajmi ortib bormoqda. Bu haqda Oʻzbekiston Respublikasi Transport vazirligi Axborot xizmati xabar bermoqda. Ushbu yoʻnalishda yana 10 ta 40 futlik konteynerlar tashuvlari amalga oshirildi. Xalq xoʻjaligi yuklari ortilgan ushbu konteynerlar Xitoyning Qashgʻar temir yoʻl stansiyasidan Qirgʻizistonning Oʻsh stansiyasiga avtomobilda olib kelinadi va u yerdan fiting platformalariga ortilgan holda Oʻzbekiston orqali Afgʻonistonning Xayraton stansiyasiga yetkaziladi. Mazkur yoʻnalish boʻyicha Oʻzbekistonda bosh ekspeditor «Oʻztemiryoʻlkonteyner» AJ hisoblanadi.