21-dekabr, 2022

Toshkentda Audi avtomobili yonib ketdi

Ijtimoiy tarmoqlarda Toshkent shahri Chilonzor tumanida Audi avtomobili yonib ketgani aks etgan videolar tarqaldi. Favqulodda vaziyatlar vazirligi holat yuzasidan rasmiy maʼlumot berdi. Qayd etilishicha, 21 dekabr kuni soat 16:32 da Chilonzor tumani «Qozirobod» MFY hududidan oʻtgan KXY koʻchasida «Audi» rusumli avtomobilda yongʻin sodir boʻlayotganligi toʻgʻrisida shahar FVBga xabar kelib tushgan. Shunga koʻra 2 ta yongʻin-qutqaruv ekipaji soat 16:39 da voqea joyiga yetib borib, yongʻin soat 16:54 da oʻchirilgan. Yongʻin natijasida avtomobilning mator hamda salon qismi yonib zararlangan. Yongʻin elektr simlarida yuzaga kelgan qisqa tutashuv natijasida sodir boʻlganligi taxmin qilinmoqda. Hodisa oqibatda tan jarohati olgan va halok boʻlganlar yoʻq.