21-dekabr, 2022

Samarqandda xalqaro avtovokzal ochiladi

Samarqand viloyatidan oʻtuvchi M-39 avtomagistralidagi Choʻpan-Ota massivida xalqaro avtovokzal barpo etiladi. Maʼlum qilinishicha, qurilish 2023 yilda boshlanadi. Unda yengil va yuk avtomobillariga xizmat koʻrsatish shoxobchalari, umumiy ovqatlanish shoxobchalari, tibbiyot punkti va Duty free doʻkoni ochiladi. Shuningdek, avtovokzal shahar jamoat transporti, shaharlararo avtobuslarga xizmat koʻrsatadi. U Qozogʻiston, Qirgʻiziston va Afgʻonistondan xalqaro yoʻnalishlarni bogʻlashi mumkin.