Oʻzbekistonning baʼzi joylarida qor yogʻishi mumkin
Bugun kunduz kuni Oʻzbekiston boʻyicha baʼzi joylarda yogʻingarchilik (yomgʻir, qor) boʻladi, Qoraqalpogʻiston Respublikasi, Xorazm viloyatida ertalab biroz qor yogʻadi. Shamol 7-12 m/s tezlikda esadi, respublika boʻyicha baʼzi joylarda 15-20 m/s gacha kuchayishi mumkin. Baʼzi joylarga tuman tushadi. Yoʻllarda baʼzi joylarda yaxmalak yuzaga keladi. Harorat kunduzi 3-8° iliq, shimolda 3° sovuq-2° iliq boʻladi.
Poytaxtda kunning ikkinchi yarmida yogʻingarchilik (yomgʻir, qor) boʻladi, tuman tushadi. Yoʻllarda baʼzi joylarda yaxmalak yuzaga keladi. Shamol 3-8 m/s tezlikda esadi, 10-12 m/s gacha kuchayishi mumkin. Harorat 5-7° iliq boʻladi.
Togʻli hududlarda baʼzi joylarda qor yogʻadi, tuman tushadi. Yoʻllarda baʼzi joylarda yaxmalak yuzaga keladi. Qor koʻchish xavfi bor. Shamol gʻarbdan 7-12 m/s tezlikda esadi, baʼzi joylarda 15-20 m/s gacha kuchayishi mumkin. Harorat 3° sovuq-2° iliq boʻladi.
