20-dekabr, 2022

Haddan tashqari sovuq va tuman tufayli Andijon aeroporti yopildi

Haddan tashqari sovuq va tuman tufayli koʻrinish chegarasining pasayishi (50 m) Andijon xalqaro aeroporti faoliyatini cheklab qoʻydi, deya xabar bermoqda "UZBEKISTAN AIRPORTS". Xususan, Andijondagi noqulay sharoitlar tufayli “Uzbekistan Airways” aviakompaniyasining HY049 (Andijon — Samarqand), HY050 (Samarqand — Andijon), HY092 (Andijon — Toshkent) yoʻlovchi reyslari bekor qilindi. Yoʻlovchilarga aeroport rahbariyati tomonidan chipta pulini qaytarish jarayoni haqida maʼlumot berilgan. Andijon aeroporti maʼlumotlariga koʻra, oʻta sovuq tuman ertagacha davom etishi kutilmoqda.