20-dekabr, 2022

Germaniya 2023 yildan Rossiyadan neft sotib olishni toʻxtatadi

Germaniya kelasi yil boshida Rossiya neftini sotib olishni toʻxtatadi va oʻrniga Qozogʻistondan xom neft import qilishini maʼlum qildi. Avvalroq «Transneft» bosh direktori Nikolay Tokarev operator Germaniyadan 2023 yilning birinchi choragida yoqilgʻi yetkazib berish boʻyicha soʻrov olganini maʼlum qilgandi.

«Germaniya Rossiya xom neftiga buyurtma bergani haqidagi xabarlar yolgʻon. Leuna va Shvedt neftni qayta ishlash zavodlaridagi neft ishlab chiqaruvchi kompaniyalar yangi yilda Rossiya xom neftiga endi buyurtma berishmaydi», — deyiladi xabarda.

Bloomberg'ning taʼkidlashicha, Leuna va Shvedt neftni qayta ishlash zavodlari tarixan Rossiya neftining quvur liniyasi importiga qaram boʻlib kelgan. Endilikda Yevropaning eng yirik neft quvuri – «Drujba» orqali Qozogʻistondan oqib oʻtadi, ammo agentlik maʼlumotlariga koʻra, bu shartnoma hali tuzilmagan.