19-dekabr, 2022

Oʻzbekistonda 21 dekabr kuni harorat pasayib, qor yogʻishi kutilmoqda

Ertaga, 20 dekabr kuni Oʻzbekistonning shimoliy hududlariga Kavkazdan sovuq antitsiklon kirib kelishi boshlanadi. Front kirib kelishida Qoraqalpogʻiston Respublikasi boʻyicha biroz qor yogʻishi kutilmoqda, baʼzi joylarda shamol 15-20 m/s gacha kuchayadi, havo harorati 0+3 iliqgacha pasayadi. 21 dekabr kuni sovuq antitsiklon kirib kelishi respublikaning barcha hududlariga tarqaladi. Oʻzbekiston boʻyicha baʼzi joylarda yomgʻir va qor koʻrinishida biroz yogʻingarchilik boʻladi. Baʼzi joylarda shamol 15-20 m/s gacha kuchayadi. Havo harorati kechasi -3 sovuq va +2 iliq, kunduzi +3+8 iliq atrofida boʻladi. Oʻzbekiston shimolida kechasi harorat -9-11 sovuqqacha kuchayadi, kunduz kuni 0-3 sovuqqacha pasayadi. 22-23 dekabr kunlari Oʻzbekiston boʻyicha yogʻingarchilik kutilmaydi, faqat 22 dekabrda Fargʻona vodiysi viloyatlarida baʼzi joylarda biroz qor yogʻadi. Harorat kechalari -2-5 sovuqqacha, kunduz kunlari +2+5 iliqgacha pasayadi. Respublika boʻyicha kechasi va ertalab tuman tushadi. 21-22 dekabr kunlari yoʻllarda yaxmalak kuzatiladi.