19-dekabr, 2022

Oʻzbekiston Osiyo chempionatining bugungi bellashuvlarini bronza medali bilan yakunladi

Maʼlum qilganimizdek, poytaxtimizda karate WKF boʻyicha qitʼa birinchiligi boʻlib oʻtmoqda. Bugun sportchilarimiz jamoaviy yoʻnalishda medallar uchun kurash olib borishdi. Malayziyaga qarshi 3:1 hisobidagi gʻalaba bilan bellashuvlarni boshlagan karatechilarimiz keyinchalik Kambodjadan 3:0 hisobida ustun kelishdi. Biroq chorak finalda Eronga 0:2 hisobida magʻlubiyatga uchrashdi. Shundan soʻng bronza medali yoʻlida tatamiga chiqqan hamyurtlarimiz dastlab Turkmanistonni 3:0, hal qiluvchi bosqichda esa Saudiya Arabistonini 3:2 hisobida dogʻda qoldirishdi. Afsuski, birinchi bellashuvdayoq Eronga roʻbaroʻ kelgan qizlarimiz 1:2 hisobida imkoniyatni boy berib, medallar uchun kurashni erta tark etishdi.