18-dekabr, 2022

Fargʻonada Koreya kompaniyasi tomonidan zamonaviy bogʻcha quriladi

Viloyat hokimi hamda koreyalik mutaxassislar oʻrtasi boʻlib oʻtgan uchrashuvda tomonlar zamon talabiga javob beradigan, ingliz tili oʻrgatishga ixtisoslashgan yangi MTT barpo etishga kelishib olgan. «Xayrullo Bozorov boshchiligidagi Fargʻona viloyati delegatsiyasi joriy yil mart oyida Koreyaga tashrifi doirasida Seulda Chungrim Xan bilan muzokaralar oʻtkazib, viloyat hokimligi va «Edulink Global» kompaniyasi oʻrtasida Fargʻonada maktabgacha taʼlim sohasiga investitsiya kiritish yuzasidan qiymati 2 mln. dollarlik hamkorlik memorandumi imzolangandi», - deyiladi viloyat hokimligi Axborot xizmati xabarida. Bogʻcha qurilishi kelgusi yil boshida boshlanadi. Shuningdek, koreyalik mutaxassislar bogʻchani jihozlash, pedagoglarni tayyorlashni ham zimmasiga olgan. 400 oʻrinli boʻlishi kutilayotgan mazkur tashkilot kelgusi yilning oktabr oyida ishga tushadi.