18-dekabr, 2022

Argentina jahon chempioniga aylandi

Qatar yashil maydonlarida boʻlib oʻtgan jahon chempionati bahslari yakunlandi. Turning hal qiluvchi bahsida Argentina va Fransiya terma jamoalari oʻzaro bahslashdi. Bahs dramatik tarzda kechdi. Birinchi boʻlimda argentinaliklar ikki marotaba gol urib, hisobda oldinga chiqib oldi. Messi va Di Mariya gol mualliflariga aylanishdi. Ikkinchi boʻlimning yakunlashi arafasida esa Mbappe ikki bor gol urib, muvozanatni tikladi. Asosiy vaqt 2:2 hisobida yakun topdi. Qoʻshimcha boʻlimlarning ikkinchisida esa Messi navbatdagi toʻpini yoʻlladi. Ammo koʻp vaqt oʻtmay, Mbappe penaltidan muvozanatni tikladi. Penaltilar seriyasida esa Argentina gʻalaba qozonib, jahon chempioniga aylandi.