17-dekabr, 2022

Markaziy bank 3 ta toʻlov tashkilotining litsenziyasini chaqirib oldi

Oʻzbekiston Markaziy banki mamlakatdagi 3 ta toʻlov tashkilotining litsenziyasini qaytarib oldi. Bu haqda Markaziy bank matbuot xizmati xabar berdi. Qayd etilishicha, toʻlovlar va toʻlov tizimlari toʻgʻrisida”gi Qonuni 25-moddasiga muvofiq, toʻlov tashkiloti litsenziya olingan kundan eʼtiboran bir yil davomida faoliyatini amalga oshirmaganligi munosabati bilan Oʻzbekiston Respublikasi Markaziy banki boshqaruvining 2022 yil 15 dekabrdagi qaroriga asosan:

“International Eco Pay” masʼuliyati cheklangan jamiyati;
“Panda Internet Technology” masʼuliyati cheklangan jamiyati;
“UGNIS” masʼuliyati cheklangan jamiyatining toʻlov tashkiloti faoliyatini amalga oshirish huquqini beruvchi litsenziyalari chaqirib olinganligi hamda toʻlov tashkilotlari reyestridan chiqarilganligi maʼlum qilinadi.