12-dekabr, 2022

Quvur yorilishi oqibatida Angren neft bazasidan 11,5 ming litr benzin oqib ketdi

Ijtimoiy tarmoqlarda Angren neft bazasida avariya sodir boʻlgani, odamlar quvurdan oqib yotgan benzinni idishlarga quyib olib ketayotgani aks etgan videolar tarqalgandi. Korxona rahbariyati hodisaga munosabat bildirdi. “Joriy yilning 10 dekabr kuni taxminan soat 20:10 da Angrenneftebazasi hududida 5000 m (kub) hajmdagi 20-sonli sigʻim (rezervuar) sifonining joʻmragi havo harorati pasayishi tufayli muzlab yorilgan. Buning oqibatida sigʻimda boʻlgan AI-80 benzin yoqilgʻi mahsuloti (11 500 litr) toʻkilgan”, deya korxona boshligʻi D.Azimovning soʻzlarini keltirmoqda Toshkent viloyati hokimligi axborot xizmati. Taʼkidlanishicha, avariya zavod ishchi-xodimlari tomonidan shu kunning oʻzida, soat 20:45 da bartaraf qilingan.