12-dekabr, 2022

Jizzaxda begona qizning foto va videolarini internetda tarqatgan yigit ushlandi

IIV Kiberxavfsizlik markazining xabar berishicha, Jizzax viloyati Sharof Rashidov tumanida yashovchi qiz IIBga murojaat qilib, boshqalarga koʻrsatib boʻlmaydigan foto va videolarini nomaʼlum shaxs ijtimoiy tarmoqda tarqatayotganini bildirgan. Olib borilgan tezkor-qidiruv tadbirlari natijasida, foto va videolarni Jizzax shahrida yashovchi yigit tarqatayotgani aniqlangan. Dastlabki surishtiruvda u qizning foto va videolarini jabrlanuvchining tanishi Sharof Rashidov tumanida yashagan, hozirda Rossiyaga mavsumiy ishchi sifatida ishlashga ketgan yigit ijtimoiy tarmoqlarda tarqatishi uchun berganini maʼlum qilgan. Qayd etilishicha, holat yuzasidan har ikki yigitga nisbatan Jinoyat kodeksining 140-moddasi 2-qismi bilan jinoyat ishi qoʻzgʻatilib, tergov harakatlari olib borilmoqda.