10-dekabr, 2022

Oʻzbekistonda AI-80 markadagi benzin narxi 5500 soʻmgacha pasayishi kutilmoqda

Oʻzbekiston energetika vaziri oʻrinbosari Sherzod Xoʻjayevning bildirishicha, AI-80 benzini uchun aksiz soligʻi bekor qilinishi natijasida yaqin kunlarda ushbu markadagi benzin narxi 5500 soʻmgacha pasayishi kutilmoqda. [video width="720" height="404" mp4="https://platina.uz/wp-content/uploads/2022/12/21.mp4"][/video]

«AI-80 benzini uchun aksiz soligʻi bekor qilinishi AYoQShlarda ushbu markada sotilayotgan yoqilgʻining narxi 1000-1200 soʻm arzonlashishiga olib kelishi kerak. Bugungi kunda AI-80 benzin narxi 5500 soʻmgacha pasayishi kutilmoqda. Taʼkidlash joizki, birjaga chiqarilayotgan hajmlar ham ortganligi hamda birjada boshlangʻich narxdan 5 foizdan ortiq boʻlmagan holda narx oshishini inobatga olgan holda aytish mumkinki, 5500 soʻmlik narxni yaqin kunlarda koʻrishimiz mumkin», - dedi energetika vaziri oʻrinbosari Sherzod Xoʻjayev.