08-dekabr, 2022

Xorazmda ikki kishi is gazidan vafot etgani aytilmoqda

Xorazm viloyatining Yangibozor tumanidagi xonadonda ikki kishi is gazidan vafot etdi. Bu haqda viloyat FVB matbuot xizmati xabar berdi. Maʼlum qilinishicha, 8 dekabr kuni soat 08:51 larda Yangibozor tumani Tibbiyot birlashmasi tez tibbiy yordam boʻlimi dispetcheridan tuman FVBga xabar kelib tushib, Yangibozor tumani Bogʻolon qishlogʻida yashagan 1958 yilda tugʻilgan J.R. hamda nevarasi 2009 yilda tugʻilgan R.B.ning uyida vafot etgani bildirilgan. Olib borilgan dastlabki surishtiruvlar natijasida koʻra, voqea sodir boʻlgan xonadonda toʻqqiz nafar fuqaro boʻlgani, shulardan ikki nafari vafot etgani va qolgan yetti nafari tuman shifoxonasida tibbiy koʻrikdan oʻtkazilgani aniqlangan. Ularning sogʻligi yaxshi boʻlgani uchun uyiga ruxsat berilgan. Ikki nafar fuqaro vafot etgani boʻyicha sud tibbiy ekspertizasi tayinlangan. Surishtiruvni Yangibozor tumani prokuroturasi olib bormoqda.