08-dekabr, 2022

Oʻzbekistonda aholi jon boshiga YaIMning oʻsishi sekinlashdi

2022 yil yanvar-sentabr oylarida aholi jon boshiga hisoblangan yalpi ichki mahsulot 3,6 foizga oʻsdi. Davlat statistika qoʻmitasi maʼlumotlariga koʻra, ushbu koʻrsatkich 2021 yil mos davrida 5,3 foizga oʻsgan edi. Taqqoslash uchun, joriy yilda aholi jon boshiga YaIM oʻsishi oʻtgan yil mos davriga nisbatan 1,7 foizga sekinlashgan. Yillar kesimida aholi jon boshiga YaIM oʻsish (kamayish) surʼatlari:

2018 yil yanvar-sentabr – 3,8 foiz;
2019 yil yanvar-sentabr – 3,7 foiz;
2020 yil yanvar-sentabr – -1,4 foiz;
2021 yil yanvar-sentabr – 5,3 foiz;
2022 yil yanvar-sentabr – 3,6 foiz.