23-noyabr, 2022

Ronaldu «Manchester Yunayted»ni tark etdi

«Manchester Yunayted» klubi portugaliyalik hujumchi oʻzaro kelishuv asosida shartnomani bekor qilganidan soʻng darhol jamoani tark etishini eʼlon qildi. Futbolchi ham buni tasdiqladi. «Klub bilan muzokaralardan soʻng shartnomani muddatidan oldin bekor qilishga kelishib oldik. «Yunayted»ni va muxlislarini yaxshi koʻraman — bu hech qachon oʻzgarmaydi. Shu bilan birga, men uchun yangi sinovlarni izlash vaqti kelganini his qilyapman. Jamoaga mavsumning ikkinchi qismida ham, kelajakda ham muvaffaqiyatlar tilayman», — dedi 37 yoshli portugaliyalik futbolchi. Oldinroq Krishtianu Ronaldu shov-shuvli intervyu berib, klub rahbariyati va bosh murabbiy Erik ten Hagni tanqid qilgandi.